ТЭТГЭЛЭГТЭЙ СУРАЛЦАХ 

ГАДААДАД СУРАЛЦАХЫГ ХҮСЭГЧДЭД

ХААИС-ийн Гадаад хамтын ажиллагааны хэлтэсээс оюутанд чиглэсэн олон үйл ажиллагааг хэрэгжүүлдэг. Үүнээс дурдвал: 

• Хос хөтөлбөр - ОХУ, БНСУ, БНХАУ зэрэг орнуудтай хамтарсан хөтөлбөр хэрэгжүүлээд хэдийнээ 10 жил болж байна. Энэхүү хугацаанд нийтдээ 332 оюутан хамрагдаж, 192 оюутан төгссөн ба одоогоор 134 оюутан суралцаж байна. 
• Оюутан солилцооны хөтөлбөр- ХААИС нь БНСУ, БНХАУ, Япон, Тайвань зэрэг орны хамтын ажиллагаатай сургуулиудтай оюутан солилцооны хөтөлбөр хэрэгжүүлдэг ба жил болгон шаардлага хангасан 10-14 оюутан хамрагдаж, хагас жил болон 1 жилийн хугацаанд тухайн оронд суралцаж харилцан туршлага судалдаг. 
• Интерншип хөтөлбөр - ХААИС нь Израйль улсын Агростадиис байгууллагатай 2018 оноос интерншип хөтөлбөрийг 3 дахь жилдээ хэрэгжүүлж байна. Өнгөрсөн хугацаанд нийт 35 оюутан хамрагдан, суралцаж, ажиллах дадлага туршлага хуримтлуулсан. 
• Үйлдвэрлэлийн дадлага– Жил бүр БНХАУ болон ОХУ руу ХААИС-ийн  50-80 оюутан, 14-21 хоногийн мэргэжлийн болон үйлдвэрлэлийн зуны дадлагад хамрагддаг. 
• Оюутны олон улсын эрдэм шинжилгээний хурал – Япон улсын Токиогийн ХААИС нь жил бүр олон улсын оюутнуудын эрдэм шинжилгээний чуулга уулзалтыг зохион байгуулдаг билээ. Энэхүү уулзалтад ХААИС-иас шалгарсан 2 оюутан хамрагдаж, чуулга уулзалтын сэдвийн дагуу илтгэл хэлэлцүүлэн, гадаад оюутнуудтай эрдэм мэдлэг, дадлага туршлага, авхаалж самбаагаа сорин оролцдог.