ХААИС-ийн бакалаврын оюутны шилдэг бүтээл шалгаруулах эрдэм шинжилгээний нэгдсэн бага хурал 2021 оны 4 дүгээр сарын 28-ны өдөр цахимаар зохион байгуулагдлаа.

Тус хуралд бүрэлдэхүүний 5 сургууль, Дархан-Уул аймаг дахь АЭБС-иас шалгарсан нийт 16 оюутан Өмнөговь, Дорнод, Увс, Дундговь, Дархан-Уул, Төв зэрэг аймгуудаас оролцож илтгэлээ хэлэлцүүллээ.

Шалгаруулалтаар МААБС-ийн Биотехнологийн 4-р ангийн оюутан Г.Түвшинзаяагийн “Сибирь шинэс (larix sibirica ledeb)-ний бичил ургамлыг Ex-vitro орчинд микоризагаар дэмжсэн судалгаа” (удирдагч багш доктор А.Гоомарал) шилдэг бүтээлээр шалгарч, I байр эзлэв.

Удаах байранд ИТС-ийн Цахилгаан хангамжийн 4-р ангийн оюутан Ч.Пэрэнлэй, Инженер механикийн 4-р ангийн оюутан Г.Төгөлдөр нарын хэлэлцүүлсэн “Арвай хуурах уламжлалт аргыг механикжуулах боломж” (удирдагч багш доктор Д.Түвшинжаргал, Ж.Амгаланзул) илтгэл шалгарав. Гутгаар байранд МААБС-ийн Биотехнологийн 4-р ангийн оюутан Э.Сайнхүүгийн “Kocuria varians MON-30 ѳсгѳврийн пигмент нийлэгжүүлэлтийг судалсан дүн” (удирдагч багш доктор Б.Урантүлхүүр), АЭС-ийн Газрын кадастр инженерийн 4-р ангийн оюутан Я.Наранбаатарын “Ойн сангийн тооллого бүртгэлд олон шийдэт хиймэл дагуулын мэдээг ашиглах боломж” (удирдагч багш Б.Батбилэг), ИТС-ийн Програм хангамжийн 4-р ангийн оюутан Б.Сүхмандахын “Ачаа, тээш хүргэлтийн вэб сайт” (удирдагч багш Д.Даваадорж) илтгэлүүд тус тус шалгарав.

Шилдэг ханын илтгэлээр МААБС-ийн Хими технологийн 4-р ангийн оюутан Б.Нандинцэцэгийн “Хөдөөгийн шаралзгана (Sonchus arvensis) биогербицид гарган авах судалгаа” (удирдагч багш доктор Ц.Нямхүү) бүтээл шалгарлаа.