ХААИС-ийн ректор Б.Баасансүх, ХААИС-ийн Гадаад харилцаа, түншлэлийн албаны дарга Ц.Сүхтулга 2025 оны 05 дугаар сарын 27-ны өдөр Япон улсын Дээд боловсролын нэгдсэн судалгааны хүрээлэнгийн төлөөлөгч ахлах мэргэжилтэн Хагивара Дайсүкэ, Наран Шожи Монголиа ГХО ХХК-ийн захирал Э.Соёмбо, Япон улсын Наран корпорэйшны захирал н.Алтанчимэг нарыг хүлээн авч уулзлаа.

Уулзалтаар ХААИС Япон улстай хийх хамтын ажиллагаагаа өргөжүүлж Япон улсын Дээд боловсролын нэгдсэн судалгааны хүрээлэнгийн харьяа сургуулиудтай хамтран ажиллах талаар ярилцав.

1. Internship хөтөлбөрийн хүрээнд оюутан залуус мэргэжлийн байгууллагад тодорхой хугацаанд ажиллаж, ажил мэргэжлийн орчинтой танилцаж, туршлага хуримтлуулах хөтөлбөр хэрэгжүүлэх
2. Бакалаврын ангийн оюутнууд ХААИС-д 2 жил, Японы их дээд сургуульд 2 жил суралцан төгсөх буюу оюутан солилцооны хөтөлбөр хэрэгжүүлж, хос дипломтой төгсөх
3. ХААИС-ийн төгсөгчид Япон улсад магистр, докторын хөтөлбөрт суралцах
4. Япон улсын Хөдөө аж ахуйн их сургуультай хамтарч ажиллах, судалгаа хийх, судлаач оюутан, магистр, докторт суралцуулах талаар санал солилцож анхан шатны яриа хэлцлийг хийж цаашдын хамтын ажиллагааны эхлэлийг тавилаа.

Дээд боловсролын нэгдсэн судалгааны хүрээлэн нь боловсролоор дамжуулан ирээдүйн үеийг дэмжих, сурах орчинг дэмжигч байгууллагуудтай хамт өсөж хөгжих, боловсролын хүртээмж, чанарыг сайжруулахад хувь нэмэр оруулах зорилготой.  их, дээд сургууль, коллеж, магистрын сургалт явуулдаг боловсролын байгууллагуудад зориулсан мэргэжлийн судалгаа, зөвлөх үйлчилгээ үзүүлдэг, бие даасан байгууллага бөгөөд дээд боловсролын салбарын хөгжлийн чиг хандлага, шилдэг туршлага, шинэлэг бодлого, стратегийн шийдлүүдийг судлан боловсруулж, боловсролын байгууллагуудын хэрэгцээ шаардлагад нийцүүлэн бодит үр дүнтэй арга зам, шийдлийг санал болгодог.

• Боловсролын байгууллагын удирдлагын зөвлөх үйлчилгээ
• Оюутан элсэлтийн бодлого, стратегийн зөвлөмж
• Санхүү, төсөв, менежментийн зөвлөх үйлчилгээ
• Мэдээллийн систем, дижитал шилжилтийн дэмжлэг
• Мэдээллийн аюулгүй байдал, дата менежментийн зөвлөмж өгөх
• Сургалтын хөтөлбөрийн шинжилгээ, шинэчлэл
• Судалгаа, шинжилгээний ажил
• Шинэ ололт, инновац нэвтрүүлэх үйл ажиллагааны үндсэн чиглэлүүдээр ажилладаг хүрээлэн юм.