Хоёр их сургуулийн хооронд байгуулсан хамтын ажиллагааны гэрээний хүрээнд БНСУ-ын Чүнгбүкийн үндэсний их сургуулийн бакалавр+магистрын хосолсон хөтөлбөрийн бүртгэл эхэллээ.

Элсэлтийн бүртгэл:

• Магистрын элсэлтийн 1-р шат: 2026 оны 4-р сарын 6 – 4-р сарын 24
• Магистрын элсэлтийн 2-р шат: 2026 оны 5-р сарын 4 – 5-р сарын 29
• Баримт бичгийн үнэлгээ: 2026 оны 6-р сар
• Үр дүн зарлах: 2026 оны 7-р сар

Бүрдүүлэх материал:

• Өргөдлийн маягт
• Суралцах төлөвлөгөө
• Суралцаж байгаа тодорхойлолт
• Албан ёсны дүнгийн тодорхойлолт
• Англи болон солонгос хэлний онооны батламж

Шаардлага:

Өргөдөл гаргагч нь бакалаврын 4–6 улирлыг дүүргэсэн байх бөгөөд өргөдөл гаргахаас өмнөх 2 улирлын нийлбэр голч дүн (GPA) нь 4.5-аас 3.2 буюу түүнээс дээш байх шаардлагатай.

Өргөдөл гаргагчид ХААИС-д 3 жилийн бакалаврын хичээлийг дүүргэж, дараа нь CBNU-д солилцооны оюутнаар 6 сарын хугацаанд бакалаврын хичээл (үүнд нэг магистрын хичээл багтана) судлах ёстой. Бакалаврын хугацаанд судалсан магистрын хичээлүүдийг CBNU-ийн 3+2(4+1.5) магистрын хөтөлбөрт кредитээр тооцож шилжүүлэх боломжтой. Гэхдээ бакалаврын сургалтын хугацаанд авсан магистрын кредитүүд нь бакалаврын сургалтыг төгсөхөд шаардагдах доод болон дээд кредитэд тооцогдохгүй.

Өргөдөл гаргахыг хүсвэл 2026 оны 04 дүгээр сарын 05-ны өдрөөс мэдээллээ international@muls.edu.mn хаягаар ирүүлнэ үү.

Гадаад хамтын ажиллагаа, түншлэлийн газар