Шинжлэх ухааны академийн харьяа Хөдөө аж ахуйн шинжлэх ухааны академи, салбарын эрдэм шинжилгээний хүрээлэнгүүд, Хөдөө аж ахуйн их сургууль мөн бусад холбогдох байгууллагатай хамтарч “Газар тариалангийн тулгамдсан асуудал, шийдэл” хэлэлцүүлгийг 2026 оны 03 дугаар сарын 24-ний өдөр зохион байгуулав.

Хэлэлцүүлгээр тариалангийн салбарын тулгамдсан гол асуудлууд болох Бодлогын хэрэгжилт: Уур амьсгалын өөрчлөлт болон нийгэм, эдийн засгийн сорилтын үед төрийн бодлого оновчтой байгаа эсэх; Технологийн шинэчлэл: Салбарын хэмжээнд технологийн дэвшил хэрхэн нэвтэрч буйг үнэлэх; Хүнсний аюулгүй байдал: Тариалангийн салбар үүргээ гүйцэтгэхэд тулгарч буй саад бэрхшээлүүд; Даатгалын тогтолцоо: Эрсдэлтэй үед тариаланчдын орлогыг хамгаалах тогтолцоог бүрдүүлэх; Хүний нөөц: Мэргэжлийн боловсон хүчнийг тогтвор суурьшилтай ажиллуулах чиглэлээрээ илтгэж хэлэлцүүлэв.

Хэлэлцүүлгээс гарсан саналуудыг нэгтгэн төр засгаас богино болон дунд хугацаанд авч хэрэгжүүлэх бодлогын зөвлөмж болгон гаргах юм. Мөн ирэх 2027 оны төлөвлөгөөг Улсын Их Хурлаар хэлэлцэх үед эдгээр шийдлийг тусгуулахаар зорьж байна. "Хэрэв тариаланчдын орлого уур амьсгалын нөлөөгөөр буурсаар байвал салбарын сонирхол буурч, улмаар үндэсний хүнсний аюулгүй байдал алдагдах аюултай"-г зохион байгуулагчид онцоллоо.