ХААИС болон Жонбүк үндэсний их сургуулийн хооронд байгуулсан санамж бичгийн хүрээнд хэрэгжиж буй 2026-2027 оны хичээлийн жилийн 6 сараас 1 жилийн оюутан солилцооны хөтөлбөрт хамрагдахыг урьж байна.

Шаардлага:

1. ХААИС-ийн бакалаврын болон ахисан түвшний өдрийн ангийн, хамгийн багадаа нэг улирлаас дээш идэвхтэй суралцаж байгаа, төгсөх болзол хангаагүй оюутан байх;

2. Хэлний шалгуур тавигдаагүй боловч хөтөлбөрийн англи болон солонгос хэл дээрх хичээлийг бүрэн ойлгох хэмжээний хэлний чадвартай байх;

Сургалтын төлбөрийн хөнгөлөлт болон мөнгөн дэмжлэг:

• Сургалтын төлбөрөөс 100% чөлөөлнө.
• Амьжиргааны мөнгө суралцах хугацаанд нэг удаа 400,000 вон олгоно (2027 оны 06 сард).

Зардлын мэдээлэл: Суралцагч замын зардал, дотуур байр, бусад зардлыг өөрөө хариуцна. Үүнд:

Дотуур байр: Дотуур байрны төлбөрийг хөтөлбөрт хамрагдан БНСУ явахаас өмнө төлдөг бөгөөд хөтөлбөрт нэр дэвшүүлсний дараа тусад нь мэдээллийг өгөх болно. Жонбук үндэсний их сургууль нь 2 дотуур байртай. Үүнд:

• Чанбит дотуур байранд хоол хийх боломжгүй. Дотуур байрны төлбөрт Даваа-Баасан гарагт өдрийн 3 удаагийн хоолны төлбөр багтсан бөгөөд цуцлах боломжгүй. Дотуур байрны төлбөр нь нэг улирлын 1,500,000 вон,
• Даэдун дотуур байранд орох суралцагчид хоолтой болон хоолгүй төлбөрийн сонголтыг хийж дотуур байрны төлбөр төлөх боломжтой.
• Хоол ороогүй нэг улирлын төлбөр 600,000 вон
• Хоол орсон нэг улирлын төлбөр 1,600,000 вон

Даатгал: БНСУ-ын Үндэсний эрүүл мэндийн албан даатгалд хамрагдах бөгөөд сарын төлбөр нь 75 000 вон байдаг.

БНСУ-д ирэх хугацаа: 2027.02.27-28

Хичээл эхлэх- дуусах хугацаа: 2027.03.01-2027.06.18

Зуны амралт: 2027.06.25-2027.08.31

Хөтөлбөрийн ерөнхий мэдээлэл

Англи болон Солонгос хэлээр хичээл сонгон үзэх боломжтой бөгөөд солилцооны оюутнуудын дунд эрэлттэй хичээлүүдийг урьдчилан цахимаар санал болгоно.

Бүрдүүлэх материалууд (бүх материалууд англи эсвэл солонгос хэл дээр байна)

1. Сургуулийн тодорхойлолт (Англи юмуу солонгос хэлээр баталгаат орчуулга хийлгэсэн байх)
2. Албан ёсны дүнгийн хуулбар (Англи юмуу солонгос хэлээр баталгаат орчуулга хийлгэсэн байх)
3. Гадаад паспортын хуулбар (тэгш, гаднын биет ороогүй, сүүдэрлээгүй, тод байх)
4. JPG формат дээр цээж зураг (цагаан дэвсгэртэй)
5. Өөрийн танилцуулга
6. Суралцах төлөвлөгөө
7. Гадаад хэлний түвшинг батлах гэрчилгээ байгаа бол хавсаргах
8. Бөглөсөн өргөдлийн маягт /өргөдлийн маягт бөглөх зааварчилгааг хавсралтаас харна уу/

Жич: Дээрх шаардлага хангаж, материал ирүүлсэн оюутнууд онлайн өргөдлийн маягтыг (https://jump.jbnu.ac.kr/inex) 2026 оны 10 дугаар сарын 20-оос өмнө бөглөнө.

Өргөдөл хүлээн авах алхам болон материал хүлээн авах эцсийн хугацаа:

Алхам 1: Оюутан солилцооны хөтөлбөрт өргөдөл гаргахыг хүсвэл international@muls.edu.mn хаягаар (овог нэр, сургууль, мэргэжил, оюутны мэйл хаяг, утасны дугаар)-аа 2026 оны 10 дугаар сарын 16-ны өдрөөс өмнө ирүүлнэ үү.

Алхам 2: Бүрдүүлэх материалын 1-7 дугаарт заасан бичиг баримтыг хариуцсан мэргэжилтэн (Захиргааны байрны 108 тоот)-д эх хувиар ирүүлнэ.

Алхам 3: Бүх материалаа нэг багц pdf өргөтгөлтэй файл болгон international@muls.edu.mn хаягт 2026 оны 10 дугаар сарын 19-ний өдрийн 12:00 цагаас өмнө илгээнэ үү.

Анхаарах зүйл: Хамтын ажиллагааны гэрээтэй гадаад их сургуулийн солилцооны хөтөлбөрт хамрагдах материал ирүүлэхээсээ өмнө ХААИС-д төлөвлөсөн хичээл, төгсөх хугацаа, солилцооны хөтөлбөрт суралцахад гарах санхүүгийн зардлыг сайтар тооцоолж материал ирүүлнэ үү. Шалгаруулалтад тэнцсэн ч хувийн шалтгаанаар суралцах боломжгүй болсон тохиолдолд холбогдох мэргэжилтэнд international@muls.edu.mn хаягаар яаралтай мэдэгдэхийг анхаарна уу. 

Оюутан солилцооны хөтөлбөр: https://tinyurl.com/jbnu-exchange-students

Өргөдлийн маягтыг бөглөх заавар: https://tinyurl.com/jbnu-online-application